04.02 – 04.03.2023 թ

Danil DeGe

Բացումը՝ 04.02 | 15:00

Երևանի Բուսաբանական այգին իր դռներն է բացում արվեստասերների համար. այգու հենց սրտում` էկոէպիկենտրոնում, տեղի կունենա Danil DeGe-ի «Վարդեր այտերին» խորագիրը կրող անհատական ցուցահանդեսը։

Այն օգնության ձեռք և աջակցություն է բոլոր նրանց, ովքեր դրա կարիքն ունեն, այն մաքուր ու բացարձակ սիրո մասին է։

Մինչ բուսաբանական այգու «բնակիչները» ձմեռային քուն են մտել, մենք կջերմացնենք միմյանց կարեկցանքով, հոգատարությամբ և սիրով։

Նկարների վառ գույներն ու նախշերը միահյուսվելու են արմատների, կոճղերի, պսակների, ճյուղերի, տերևների և փշերի հետ՝ գրավելով այցելուների ուշադրությունը և տարածվելով կախարդված անտառի մթնոլորտում, իսկ տեքստիլային աշխատանքները մեզ կտեղափոխեն տարբեր մշակույթների հատման կետեր։

Հանդիպում ենք փետրվարի 4-ին՝ խոսելու սիրո լեզվով։

Համակարգող՝ Յուլիա Պոտապովա

Վայրը՝ Հայաստան, Երևան, Երևանի բուսաբանական այգի

Նկարիչն ու համակարգողը իրենց խորին շնորհակալությունն են հայտնում Երևանի բուսաբանական այգուն և Էկոէպիկենտրոնին այս հաճելի համագործակցության համար։

Աշխատանքների վաճառքից ստացված շահույթի մի մասը կտրամադրվի Երևանի բուսաբանական այգուն և Էկոէպիկենտրոնին։